Cliciwch ar y dolenni isod i weld sut mae gwneud cais ar gyfer pob categori. Mae yno hefyd arweiniad i bawb sy’n newydd i’r Rhaglen Athrawon Graddedig (RhAG).

• 30 lle ar gyfer ysgolion uwchraddfel a ganlyn  sef:
    
  • 12 lle wedi’u cyllido drwy grant cyflog a grant hyfforddi ar gyfer ysgolion uwchradd a gynhelir mewn mathemateg, ffiseg, cemeg ieithoedd tramor modern a Chymraeg.
     
  • 9 lle heb eu cyllido i ymgeiswyr heb Statws Athro Cymwysedig (SAC) ar gyfer athrawon a hyfforddwyd dramor  neu athrawon a hyfforddwyd ym maes Addysg Bellach 
     
  • 9 lle heb eu cyllido ar gyfer Pynciau Galwedigaethol 
    (Gall 6 lle o’r 18 uchod sydd heb eu cyllido gael eu defnyddio ar gyfer pynciau â blaenoriaeth mewn ysgolion annibynnol)
       
• 30 lle ar y Rhaglen â chymorth grant hyfforddiant yn y sector cynradd
   
  • Hyfforddeion ac ysgolion sy’n newydd i’r RhAG. Mwy o wybodaeth am Sut mae’r RhAG yn gweithio yng Nghymru a Sut i wneud cais
    

CEFNDIR Y RHAGLEN ATHRAWON GRADDEDIG (RhAG) YNG NGHYMRU

Llwybr i addysgu yng Nghymru yn seiliedig ar gyflogaeth yw’r Rhaglen Athrawon Graddedig ac mae’n cynnig ffordd i chi gymhwyso fel athro wrth eich gwaith. Bydd hyfforddeion yn dilyn rhaglenni unigol wedi’u cynllunio i’w helpu i fodloni gofynion safonau Statws Athro Cymwysedig (SAC).
 
Yn ogystal â bodloni holl ofynion mynediad rhaglen hyfforddiant cychwynnol athrawon (HCA), rhaid i ymgeiswyr ar gyfer RhAG feddu ar radd gyntaf neu gymhwyster cyfwerth mewn pwnc priodol h.y. pwnc sy’n cael ei addysgu mewn ysgolion. Mae’r rhaglen yn para am flwyddyn fel arfer os caiff ei dilyn yn amser llawn, ond gall hyfforddeion sydd â phrofiad blaenorol perthnasol gwblhau’r rhaglen ynghynt (tri mis, amser llawn/un tymor ysgol yw’r cyfnod byrraf). 
 
Mae Llywodraeth Cymru a darparwyr HCA sy'n seiliedig ar gyflogaeth yn croesawu ceisiadau gan bobl o grwpiau sydd heb gynrychiolaeth ddigonol h.y. grwpiau lleiafrifoedd ethnig a phobl ag anableddau.
 
Dim ond un llwybr tuag at Statws Athro Cymwysedig yw’r rhaglen RhAG. Os nad oes cyfle i chi ymuno â’r Rhaglen oherwydd cyfnod eich astudiaethau neu oherwydd eich pwnc, mae’n werth i chi edrych ar y wefan hon http://teachertrainingcymru.org am opsiynau, manylion darparwyr HCA achrededig a ffynonellau cyllid eraill. 
 
Os oes gennych chi gwestiynau cyffredinol am eich cymwysterau, os ydych chi am gael cyngor am y llwybr gorau i chi fynd yn athro, neu os ydych chi am gael gwybodaeth am y trefniadau yn Lloegr, cysylltwch â’r Llinell Wybodaeth Addysgu, sef gwasanaeth gwybodaeth, trwy ffonio 0800 389 2500 neu 0800 085 0971 am y llinell Gymraeg. Gallwch hefyd fynd i http://www.tda.gov.uk.  Yn ogystal â rhoi cyngor a chymorth, gall y tîm o ymgynghorwyr addysg roi amrywiaeth o gyhoeddiadau am ddim i chi ar addysgu a hyfforddi athrawon yng Nghymru a Lloegr.

 

 

Canolfan Addysg Athrawon Gogledd a Chanolbarth Cymru:Laura Pritchard-Jones 01248 382933 l.pritchard-jones@bangor.ac.uk  
Canolfan Addysg Athrawon De-Orllewin Cymru: Suzie Pugh 01792 482035 suzie.pugh@smu.ac.uk  
Canolfan Addysg Athrawon De-ddwyrain Cymru: Sioned Dafydd 02920416528 sdafydd@cardiffmet.ac.uk